Fondi për të Drejtën Humanitare (FDH) me datën 14 Mars 2013 i dorëzoi Prokurorisë për krime lufte të Serbisë kallëzimin penal kudër një personi për krime të luftës kundër popullatës civile të kryera me datën 28. Mars 1999 në fshatin Krushë e Vogël (komuna e Prizrenit).
Fondi për të Drejtën Humanitare (FDH) ka ngritur në datën 8.03.2013 padinë penale në Prokurorinë për Krime të Luftës të Republikës së Serbisë kundër shtatë personave për shkak të krimit të luftës kundër popullatës civilet të kryer në Pejë në datën 26 mars të vitit 1999.
Në dispozicion në English në srpski.
Gjykata e Apelit në Beograd ka sjellë aktgjykimin me të cilin e obligon Republikën e Serbisë që Sylejman Bajgorës nga Podujeva t’ia paguajë kompensimin në vlerë prej 200.000 dinarësh për shkak të torturës, të cilën mbi ta e kanë ushtruar pjesëtarët e Ministrisë së Punëve të Brendshme të Republikës së Serbisë (MPB RS) në vitin 1999. Gjykata e Apelit me të njëjtin aktgjykim e ka konfirmuar aktgjykimin e shkallës së parë, me të cilin është refuzuar ankesa e Ekrem Nebihut nga Glogoci.
Gjykata Themelore në Prizren, me trupin gjykues në përbërje të përzier e me të cilin ka kryesuar gjykatësja ndërkombëtare Mariola Pasnik[1], më datën 1 shkurt të vitit 2013, ka sjellë aktgjykimin me të cilin të akuzuarit Ejup Kabashi dhe Sokol Bytyqi lirohen nga akuzat për vepër penale të krimeve të luftës kundër popullatës civile, neni 142 në lidhje me nenin 22 të LPJ (vepra, po ashtu, është e dënueshme sipas Ligjit Penal të Kosovës të Republikës së Kosovës: neni 152 në lidhje me nenin 31).
Fondi për të Drejtën Humanitare Kosovë (FDH Kosovë) shpreh shqetësimin për pretendimet e disa qytetarëve Serbë që publikisht kanë akuzuar pjesëtarët e Policisë së Kosovës (PK) për përdorimin e dhunës së panevojshme ndaj tyre. Sipas këtyre pretendimeve, që janë raportuar në mediat serbe, ata janë keqtrajtuar fizikisht pa asnjë arsye, dhe kjo është një akuzë serioze e cila vë në dyshim profesionalizmin e Policisë së Kosovës.
Me rastin e sjelljes së aktgjykimit lirues të Panelit Hetimor të Gjykatës Ndërkombëtare Penale për ish Jugosllavinë (GJNPJ) në gjykimin pjesërisht të përsëritur në lëndën Haradinaj dhe të tjerët, Fondi për të Drejtën Humanitare (FDH) gjen se as me gjykimin e parë e as me gjykimin pjesërisht të përsëritur në këtë lëndë nuk është kënaqur drejtësia për viktimat e krimit, të cilat janë cekur në aktakuzë. Krahas kësaj, këtë procedurë posaçërisht e karakterizojnë mangësitë lidhur me mbrojtjen e dëshmitarëve dhe joprofesionaliteti i prokurorëve me rastin e mbledhjes së dëshmive.